Odessa oblysynyń gýbernatory Saakashvılı otstavkaǵa ketti
ASTANA. QazAqparat - Ýkraınanyń Odessa oblysynyń gýbernatory Mıhaıl Saakashvılı otstavkaǵa ketetinin habarlady. Bul týraly dúısenbi, 7 qarashada ol brıfıng barysynda aıtty, dep habarlady Lenta.ru «112 Ýkraına» telearnasyna silteme jasap.
«Otstavkaǵa ketip, kúrestiń jańa kezeńin bastaýdy jón sanadym. Men qaýqaryna qaraı, sosyn qajetine qaraı júretin sarbazbyn», - dedi Grýzııanyń burynǵy prezıdenti. Onyń aıtýynsha, Ýkraına boıynsha «ýkraındyq revolıýtsııa ıdeıasyn satyp ketken Maıdan qurbandaryn, sarbaz qanyn kapıtalǵa aınaldyratyn jemqorlar bılik etýin jalǵastyryp jatqanda, bir óńirde jaǵdaıdy túzeý kúrdeli».
