«Odaqtyq Parlamenttiń aqyrǵy kúzi» dep atalatyn jańa kitap jaryq kórdi
ALMATY. 3 sáýir. QazAqparat - Búgin Almatydaǵy QR Ulttyq kitaphanasynda Qazaqstannyń eńbek sińirgen qaıratkeri, ǵalym, pýblıtsıst Nyǵmet Jotabaevtyń «Odaqtyq Parlamenttiń aqyrǵy kúzi» («Poslednıaıa osen Soıýznogo parlamenta») dep atalatyn kitabynyń tusaýkeseri ótti.
Ol kópshilik oqyrman qaýymǵa, zertteýshilerge, qoǵamtanýshylarǵa, memlekettik qyzmetkerlerge, ǵylym jáne oqý oryndary qyzmetkerlerine arnalǵan.
QR UǴA Akademıgi, ekonomıka ǵylymdarynyń doktory, Qarjy jáne bank menedjmenti ǵylymı-zertteý ınstıtýtynyń dırektoryOraz Baımuratovtyń aıtýynsha, Nyǵmet Rahmetuly onda KSRO Joǵary Keńesiniń, odaqtas respýblıkalardyń Joǵary Keńesteriniń materıaldaryna, atqarýshy bıliktiń qujattaryna súıenedi. Sonymen qatar óziniń «Nekotorye shtrıhı parlamentskoı deıatelnostı» (Almaty, 1993) eńbeginiń negizinde ótken ǵasyrdyń 1990-1991 jyldaryna tap kelgen alyp derjavanyń tarıhı taǵdyryn, Odaqtyq Kelisim boıynsha jaǵdaılardy, jalpyhalyqtyq referendým jáne TJMK (GKChP) keselderin, qaıta qurylǵan KSRO Joǵarǵy Keńesiniń jáne onyń joǵarǵy palatasy - Respýblıkalar Keńesiniń, Respýblıkaaralyq qatynastar jónindegi komıtetiniń qyzmetterin ultaralyq qatynastar máselesine erekshe nazar aýdara otyryp baıandaıdy.
QazKSR Joǵary Keńesiniń 12-shi shaqyrylymynyń halyq depýtaty bolǵan N.Jotabaev tamyz tóńkerisinen keıin KSRO Joǵary Keńesiniń quramyna enip, KSRO Joǵary Keńesiniń Respýblıkaaralyq qatynastar jónindegi komıtet tóraǵasynyń orynbasary qyzmetin atqarǵan bolatyn.
