Obyrdy erte anyqtaý bıýdjet qarjysyn 200 ese únemdeýge múmkindik beredi

ASTANA. QazAqparat - Obyrdy erte anyqtaý bıýdjet qarjysyn 200 ese únemdeýge múmkindik beredi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik damý mınıstrliginiń bas onkology, Qazaq onkologııa jáne radıologııa ǵylymı-zertteý ınstıtýtynyń dırektory Qýanysh Nurǵazıev málim etti.

«Obyrdy erte anyqtaýdyń tıimdiligi nede? Máselen, sút bezi obyryn birinshi satyda emdeýge bıýdjetten 120 myń teńge shyǵyndalady. Eger naýqasta bul aýrý 4-shi satyda anyqtalatyn bolsa, onda onda bıýdjetten 27 mln. teńge shyǵyndaýǵa týra keledi. Óıtkeni, em-domǵa qoldanylatyn dári-dármegi óte qymbatqa túsedi. Birinshi satyda ota jasasa bolǵany, adam din-aman bolady», - dedi elimizdiń bas onkology.

Onyń aıtýynsha, 2014 jyly qaterli isik obyry 2 myńnan astam adamnan anyqtalǵan.

«Olardyń shamamen 30 paıyzy birinshi satyda, 57 paıyzy ekinshi satyda. Biz aýrýdy erte anyqtasaq, erte emdeımiz», - dedi Q.Nurǵazıev.