Obyrdan emdelýden qoryqpaý kerek – bas onkolog

NUR-SULTAN. QazAqparat - QR DSM Qazaq onkologııa jáne radıologııa ǵylymı-zertteý ınstıtýtynyń basqarma tóraıymy Dılıara Qaıdarova obyrdan emdelýden qoryqpaýǵa shaqyrdy, dep habarlaıdy QazAqparat tilshisi.

«Emdelgenderdiń kóbi óziniń bastan ótkergen problemasyn jarııa etýden bas tartady. Bizde ony «jaman aýrý» deıdi. Sonymen qatar, bul aýrýǵa shaldyqsa da, óziniń otbasyna aıtpaıtyn adamdar kezdesedi. Adamdar statıstıkany estigen kezde qaterli isik aýrýyna baılanysty úreıleri arta túsedi. Tekserýden barynsha erte ótken jaǵdaıda aýrýdy jeńip shyǵý múmkindigi zor. Sondyqtan halyq aýrýdan qoryqpaýy tıis, óıtkeni elimizde obyrdan emdelýdiń tıisti múmkindikteri bar», - dedi D. Qaıdarova Onkologııadaǵy Dúnıejúzilik kóshbasshylar sammıtinde tilshiler saýalyna jaýap bere otyryp.

Onyń aıtýynsha, 180 myń naýqastyń arasynda 90 myńy obyrdan saýyǵyp ketti. Alaıda jyl saıynǵy ólim-jitim 15 myńǵa jýyq.

«Tolyqtaı saýyǵyp ketkender 52 paıyz deńgeıinde, olar bul aýrýdy jeńip shyqqan adamdar. Emdelýshiler bizde bes jyl jáne odan da artyq merzimde tirkeýde turady », - dedi D. Qaıdarova.

Budan buryn habarlanǵandaı, búgin elordada Onkologııadaǵy Dúnıejúzilik kóshbasshylar sammıtiniń jumysy bastaldy. Sharaǵa 70 elden 350 delegat qatysyp jatyr.