Obyr derti emge kónedi me?
ASTANA. QazAqparat - Qaterli isik aýrýlarynyń aty qorqynyshty estiletini ras. Biraq aýrý belgileri biline salysymen, der kezinde em qabyldasa, bul - jazylatyn dert. Zamanaýı onkologııa-medıtsına - eń bir qarqyndy damyp jatqan sala. Búginde isikterdi anyqtaý men emdeýde ınnovatsııalyq tehnologııalar kóptep endirilip jatyr.
Onkologtar men ǵalymdardyń aldynda sheshýdi qajet etip turǵan aýqymdy másele - qaterli isikti erte satylarda, ıaǵnı mıkroskopııalyq kóriný deńgeıinde anyqtaý. Sońǵy onjyldyqta dıagnostıka men emdeýdiń áserli kóp ádisteri tabyldy, isiktiń jasýshaishilik qurylymyna áser etetin dári-dármekter paıda boldy. Erte satyda anyqtalǵan obyrmen naýqastanǵan patsıentter em alǵanda, budan bylaıǵy terapııany qajet etpeıdi, aldaǵy jyldarda belsendi ómir súre alady.
Dert neǵurlym erte anyqtalsa, ony emdeý de soǵurlym jeńil bolmaq. Ol úshin ózińizdiń emdeýshi dárigerińizge jıi qaralyp, arakidik medıtsınalyq zertteýlerden ótip turý kerek. Bunyń ózi qandaı da bolmasyn dertterdiń, sonyń ishinde qaterli isikterdiń aldyn alý sharasy bolyp tabylady.
Obyr - emge kónetin dert. Sondyqtan naýqas ony jazylmaıtyn syrqat dep birden jeńile salmaı, onymen belsendi túrde kúrese bilýІ kerek. Al ol óz kezeginde dárigerge úlken kómek bolady.
aktobegazeti.kz saıtynan alyndy.
