Obyr aýrýyn zertteýshiler medıtsına boıynsha Nobel syılyǵyn ıelendi

ASTANA. QazAqparat - Obyrǵa qarsy ımmýndyq terapııanyń jańa ádistemesin jasap shyǵarǵan eki ımmýnolog dáriger - amerıkandyq Djeıms Allıson men japondyq Tasýký Hondze Nobel syılyǵynyń laýreaty atandy, dep habarlaıdy QazAqparat Reuters agenttigine silteme jasap.

«Allıson ı Hondze baıaýlatý túrli strategııalarynyń obyrdy emdeý kezinde qalaı qoldanylatynyn kórsetti», - dep málimdedi Nobel assambleıasy Shvetsııanyń Karolinska ınstıtýtynda. Munda syılyq laýreattaryna 9 mıllıon shved kronasy ($1 mıllıon) taǵaıyndaldy.

Qos laýreat adam aǵzasy men onyń ımmýndyq jasýshalarynda isiktiń paıda bolýynyń aldyn alatyn proteınderdi zerttegen.

Jyl saıyn medıtsına salasyndaǵy syılyq eń birinshi berilip, Nobel aptalyǵyn ashyp otyrady. Laýreattardy marapattaý rásimi dástúr boıynsha 10 jeltoqsan kúni, Nobel syılyqtarynyń negizin qalaǵan shved kásipkeri ári ónertapqysh Alfred Nobel (1833-1896) qaıtys bolǵan kúni ótedi.