Oblystyń 2600 ınjener-pedagog jumysshysy biliktilikti arttyrý kýrstarynan ótedi

Eske sala keteıik, 2012-2013 jyldary «Kásipker» Holdıngi» UAQ sheteldik SAIT Polytechnic (Kanada), Pearson Education (Velıkobrıtanııa), TAFE (Avstralııa), GIZ (Germanııa), TVET UK (Velıkobrıtanııa), LD DIDACTIC Group (Germanııa) jáne RIPO (Belarýs) seriktesterimen modýldi-biliktilik negizinde 45 bilim berý baǵdarlamalaryn daıyndaǵan bolatyn.

Jańa bilim berý baǵdarlamalary  QR BǴM kásibı bilim jáne tehnıkalyq máseleler jónindegi Respýblıkalyq oqý-ádistemelik keńespen qaralyp, kelisilgen.

Aqmola oblysynda biliktiligin arttyrý kýrsynan eki 123 ınjenerlik-pedagogıkalyq jumysshylar men 18 basshylyq qyzmettegi mamandar ótetin bolady. 20 maýsym kúni ınjenerlik-pedagogıkalyq jumysshylardyń atalmysh kýrstan ótý kezeńi bastalyp ketti.

Oqytý aımaqtaǵy úsh kolledjdiń bazasynda ótedi. Olar: Kókshetaý qalasyndaǵy Joǵary kolledj, Qurylys-tehnıkalyq kolledj jáne Servıstik-tehnıkalyq kolledj.

Aıta ketý kerek, jańa bilim berý baǵdarlamasy 1 qyrkúıekten bastap oqý úderisine engiziletin bolady. Kýrs aıaqtalǵanda onyń tyńdaýshylaryna sertıfıkattar tapsyrylatyn bolady. 

Elbasy «Nurly jol- bolashaqqa bastar jol» atty Joldaýynda atap ótkendeı, «bizdiń bilim berýdi, densaýlyq saqtaýdy, aýyl sharýashylyǵyn damytý baǵdarlamalarymyz jalǵasa beredi. Bul týraly aldaǵy jyly Úkimettiń alǵashqy keńeıtilgen otyrysynda naqty áńgime qozǵaıtyn bolamyz. «Nurly Jol» Jańa Ekonomıkalyq Saıasat - álemniń eń damyǵan 30 eliniń qataryna barý jolyndaǵy bizdiń aýqymdy qadamymyz».

Biz «5 ınstıtýttyq reformany júzege asyrý boıynsha 100 naqty qadam» Ult josparyn júzege asyrýdamyz. Parlament Ult josparyn zańnamalyq qamtamasyz etý úshin jumys isteýde. Olar 80-nen astam zań. Olar biz josparlaǵandaı, 2016 jyldyń 1 qańtarynan jumys isteı bastady. Shaǵyn jáne orta kásipkerlik úshin ákimshilik kedergiler joıylýda, memlekettik basqarý, bilim berý men densaýlyq saqtaý jetildirilýde. Osy sharalardyń bári de memleketke, qoǵamǵa bizdiń ekonomıkamyzǵa qosymsha tózimdilik beredi.

Bizdiń halqymyz eshqashan búgingideı baqýatty turmys keship kórgen joq. Táýelsizdik alǵannan beri 1300-den astam densaýlyq saqtaý nysany men 1700-den astam bilim berý oshaǵyn saldyq. Olardyń barlyǵyn eń sońǵy úlgidegi quraldarmen jabdyqtadyq. Asa kúrdeli operatsııalardy óz elimizde, óz dárigerlerimiz jasaıtyn jaǵdaıǵa jettik. Jalpy halyqtyń turmysynyń, densaýlyǵynyń túzelýi, sanynyń ósýiniń nátıjesinde qazaqstandyqtardyń ortasha ómir uzaqtyǵy 72 jasqa jýyqtady.  

Memleket basshysy Qazaqstan halqyna Joldaýda atap ótkendeı, bizge tehnıkalyq kadrlar daıyndaý júıesin barynsha damytý qajet. Tehnıkalyq jáne kásibı bilim berý ınvestıtsııalyq saıasattyń negizgi baǵyttarynyń biri bolýy tıis. Bul úshin Germanııamen, Kanadamen, Avstralııamen jáne Sıngapýrmen kadrlar daıyndaý ortalyǵyn birlesip qurý kerek. Olar búkil elimiz úshin tehnıkalyq jáne kásibı bilim berý júıesiniń modeli bolady.

«Ekonomıkalyq táýekelderge, jalpy, eshteńege de qaramastan, biz halyqty áleýmettik qoldaý sharalaryn júzege asyrýdy jalǵastyramyz. Men 2016 jyldyń 1 qańtarynan bastap densaýlyq saqtaý salasy qyzmetkerleriniń eńbekaqysy ortasha alǵanda - 28 paıyzǵa deıin, bilim berý salasy qyzmetkerleriniki - 29 paıyzǵa deıin, áleýmettik qorǵaýdaǵy qyzmetkerlerdiki 40 paıyzǵa deıin artatynyn jarııalaımyn. Munda bıýdjet qyzmetkerleriniń túrli kategorııalaryna qatysty saralanǵan tásil qoldanǵan utymdy. Aldaǵy jyly múgedektigi men asyraýshysynan aıyrylýǵa baılanysty áleýmettik járdemaqylardyń 25 paıyzdyq ósimi, sondaı-aq, stıpendııalar qamtamasyz etiletin bolady. 2016 jyldyń 1 qańtarynan bastap biz ınflıatsııa  deńgeıiniń aldyn ala otyryp, yntymaqty zeınetaqyny 2 paıyzǵa ındeksteımiz. 2016 jyly «B» korpýsyndaǵy memlekettik qyzmetshilerdiń eńbekaqysy 30 paıyzǵa arttyrylatyn bolady. Bul maqsattarǵa qarjyny biz bıýdjettik shyǵyndardy ońtaılandyrǵannan keıin únemdeımiz. Osylaısha biz eńbekaqyny ósirý úshin qarjy taýyp, ózimizdiń halyq aldyndaǵy áleýmettik mindettemelerimizdi oryndaımyz!»  - dedi N.Nazarbaev.

«Eńbek ete alatyndarǵa memlekettik qoldaý tek olardyń qaıta oqýǵa nemese eńbekpen qamtý baǵdarlamalaryna qatysýlary negizinde usynylatyn bolýy tıis. Úkimetke áleýmettik kómektiń mundaı túrlerin 2017 jyldan bastap engizýdi tapsyramyn. Áleýmettik saıasattaǵy memlekettiń basymdyǵy adam kapıtalyn damytýǵa keń aýqymdy ınvestıtsııalar bolýy tıis. Biz buǵan deıin qabyldanǵan baǵdarlamalarǵa sáıkes, bilim berý jáne densaýlyq saqtaý salalaryn jańǵyrtýdy jalǵastyrýymyz kerek. Men 2017 jyldan bastap jańa joba - «Barshaǵa arnalǵan tegin kásibı-tehnıkalyq bilim» baǵdarlamasy bastalatynyn jarııalaımyn. Úkimetke ony jasaýǵa kirisýdi tapsyramyn», - dep atap ótken bolatyn Memlket basshysy.

Bilim berý, densaýlyq saqtaý jáne halyqty áleýmettik qorǵaý salalaryn reformalaý adam áleýetiniń sapasyn arttyrýǵa jaǵdaı jasaıdy.

Bilim berý salasynda mektepke deıin jáne mektepte bilim berýdiń jańa úılestirilgen standarttaryn ázirleý jáne bekitý boıynsha jumystar júrgizilýde. 

Bilim berý úsh tilde - qazaq, orys jáne aǵylshyn tilderinde júrgiziletin bolady.

Memlekettik ındýstrııalyq-ınnovatsııalyq damý baǵdarlamasy (MIIDB) jobalary úshin kadrlar daıarlaý deńgeıin arttyrý boıynsha sharalar qabyldandy.

Mádenı saıasat tujyrymdamasyna, memlekettik damý jáne tilderdiń jumys isteýi, bilim berý baǵdarlamasyna mańyzdy ózgertýler engizildi. Onyń syrtynda Týrıstik salany damytý tujyrymdamasy, 2020 jylǵa deıin úsh tildi bilim berýdi damytýdyń jol kartasy ázirlendi.

Úkimet Qazaqstannyń ulttyq brendin ilgeriletý boıynsha is-qımyldar josparyn bekitedi.

Qazaqstandyq mýzeılerdi jáne memlekettik rámizderdi paıdalaný júıesin jańǵyrtý boıynsha jumystar júrgizilýde.

Derbes Іs-qımyldar josparyn júzege asyrý sheńberinde memlekettiń ÚEU-larmen ózara is-qımylyn nyǵaıtý úlken mańyzǵa ıe.

Biregeı Ulttyq merekeler kúntizbesin qurý boıynsha jumys jospary da ózekti.

Qazaqstandyq BAQ-tardy jańǵyrtý, Jalpyǵa Ortaq Eńbek Qoǵamy ıdeıasyn ilgeriletý, birqatar mádenı-bilim berý jáne aqparattyq jobalardy júzege asyrý josparlary júzege asyrylatyn bolady.