Oblystyq sottyń tóraǵalary sot aktilerine tikeleı jaýapty bolýy kerek - Joǵarǵy Cot tóraǵasy
TANA. 28 shilde. QazAqparat /Qanat Mámetqazyuly/ - Oblystyq sottyń tóraǵalary sot aktilerine tikeleı jaýapty bolýy kerek. Bul týraly búgin QR Joǵarǵy sotynyń tóraǵasy Bektas Beknazarov óz laýazymyna kiriskennen beri jýrnalıstermen birinshi ret resmı baspasóz máslıhatyn ótkizý barysynda málim etti.
Joǵarǵy sot tóraǵasynyń aıtýynsha, búgingi kúni elimizdegi oblystyq sot tóraǵalary ákimshilik sottarǵa aınalyp bara jatqandaı. «Óıtkeni, olar sot isterin qaramaıdy, sot alqalaryna basshylyq ta jasamaıdy. Bunyń ózi jekelegen oblystardaǵy jekelegen sottardyń tájirıbesine etene sińip aldy. Sondyqtan da, biz oblystyq sottyń tóraǵalary óz oblysyndaǵy sot praktıkasyna jaýapty bolýy kerek dep sanaımyz. Olar kassatsııalyq alqany basqaryp, sot aktilerine tikeleı jaýap berýleri tıis. Al qylmystyq ister osy saladaǵy alqalarda qaralyp, azamattyq ister de sol sekildi órbýi shart. Bundaı úlgi - bizdiń sot júıemizdi odan ári jetildirýge jasaıtyn qadamymyz bolmaq», - dedi B. Beknazarov.
