Oblystyq sot tóraǵalaryna memlekettik til máselesin erekshe ári birinshi kezektegi baqylaýǵa alý tapsyryldy - QR Joǵarǵy soty
ASTANA. 24 jeltoqsan. QazAqparat /Aıdar Ospanalıev/ - Joǵarǵy sot tóraǵasy Bektas Beknazarov oblystyq sot tóraǵalaryna sot isterin qaraýdy memlekettik tilge kóshirý máselesin basty nazarda ustaýdy tapsyrdy.
Búgin respýblıka sottarynyń 2011 jylǵy jumysynyń qorytyndylary jónindegi keńeıtilgen keńes barysynda Joǵarǵy sot tóraǵasy osy másele jóninde arnaıy tapsyrma berdi.
B.Beknazarovtyń aıtýynsha, respýblıka sottarynyń aldynda turǵan basty ári mańyzdy máselelerdiń biri memlekettik tildiń qoldanys aıasyn keńeıtý bolyp tabylady. «Bul másele boıynsha arnaıy júrgizýlgen taldaý jumystary respýblıkada memlekettk tilde qaralatyn isterdiń artyp kele jatqandyǵyn kórsetti. Mysaly Qyzylorda, Atyraý jáne Mańǵystaý oblystarynda memlekettik tilde qaralǵan ister sany 60 paıyzdan asyp otyr. Alaıda qazir kadr jetispeýshiligi, sonyń ishinde ádil sot bıligin memlekettik tilde atqaratyn sýdıalar sany jetispeı otyrǵandyǵy baıqalady. Sondaı-aq biliktiligi joǵary, memlekettik tildi jaqsy biletin, sotqa deıingi qujattardy qaraýǵa qolǵabys etip, istiń sapaly qaralýyna yqpal ete alatyn advokattardyń da jetispeýshiligi bilinedi», - dedi Joǵary sot tóraǵasy.
Onyń aıtýynsha, elimizdiń sot salasynda memlekettik tilge qatysty birshama jaqsy jetistikterdiń bolýyna qaramastan, jalpy jaǵdaı jiti baqylaýdy qajet etedi. «Bul rette basty nazar memlekettik tildegi qujat aınalymynyń kólemin arttyrýǵa baǵyttalýy tıis. Oblystyq sot tóraǵalaryna osy máseleni erekshe jáne birinshi kezektegi baqylaýǵa alýdy tapsyramyn», - dedi B.Beknazarov.
