Oblystyq máslıhattyń depýtaty Ábý-Dabıde altyn medal jeńip aldy
ÓSKEMEN. QazAqparat - Ábý-Dabıde ótken «Abu Dhabi Grand Slam-2017» álemdik týrynda Shyǵys Qazaqstan oblystyq máslıhatynyń depýtaty Aıdos Serikqalıuly 155 000 dollar kólemindegi syıaqyǵa ıe boldy, dep habarlaıdy «QazAqparat» HAA tilshisi óńirdiń aqparat ortalyǵyna silteme jasaı otyryp.
Bas jattyqtyrýshy Armanjan Rýzahýnovtyń jáne qara belbeý ıegeri, Brazılııadan arnaıy shaqyrtylǵan jeke bapker Antonıo Martınstiń basshylyǵymen sportshy birinshi kúni-aq grepplıngten II oryndy ıelenip, kúmis medal aldy.
Týrnırdiń ekinshi kúni +100 keli salmaq dárejesinde brazılııalyq djıý-djıtsý boıynsha I oryndy jeńip alyp, altyn medaldi qanjyǵasyna baılady.
Qazir Aıdostyń qorjynynda eki "altyn" jáne bir "kúmis" bar. Ol alǵashqy altynyn Almaty qalasynda ótken «Arlan Grip Selection Final-2016» chempıonatynda brazılııalyq djı-djıtsýdan aldy.
