Oblystyq ІІD basshylary Úkimet otyrysynda esep beretin boldy
ASTANA. QazAqparat - Oblystyq ishki ister departamentteri men jergilikti polıtsııa bastyqtary QR Úkimeti otyrystarynda atqarǵan jumystary jaıynda esep beretin bolady. Búgin QR Úkimeti otyrysynda Premer-Mınıstr Baqytjan Saǵyntaev osyndaı tapsyrma júktedi, dep habarlaıdy QazAqparat.
«Biz ishki ister departamentteri bastyqtaryn eshqashan tyńdaǵan emespiz. ІІD bastyqtary osynda kelip, baıandaıtyn bolsyn. Qazir jergilikti polıtsııa bar, olar da osy jerge kelip ózderi atqaryp jatqan jumystary jaıynda aıtsyn», - dedi Úkimet basshysy. Osy rette B.Saǵyntaev Nıý-Iorktegi qylmys deńgeıin tómendetý baǵytynda atqarylǵan jumystardy Prezıdent Nursultan Nazarbaev únemi mysalǵa keltiretindigin eske salyp ótti.
«Taıaýda ǵana tek qalanyń nemese oblystyń ǵana emes, Nıý-Iorktiń ár aýdanynda qylmystyń ne joǵary ne tómen ekendigi kórsetilgen mobıldi qosymsha bar ekendigin oqydym. Bul qosymshany bıznes jıi qoldanady. Máselen, qonaq úıler ózderiniń jarnamalarynda qonaq úıdiń Nıý-Iorktiń qandaı da bir aýdanynda ornalasqanyn jáne ol jaqta qylmys deńgeıi nólge teń ekendigin kósretedi. Sondyqtan týrısterdiń barlyǵy sonda barady», - dedi ol.
Sonymen qatar Úkimet basshysy Nıý-Iorktiń jaıly aýdandaryndaǵy baspana baǵasynyń da kúrt joǵarylaıtyndyǵyn aıtty.
