Oblystyq deńgeıdegi prokýratýra qyzmetkerleri salalyq semınardan ótýde
ASTANA. 24 qyrkúıek. QazAqparat - 24-28 qyrkúıek aralyǵynda Qazaqstan Respýblıkasy Bas prokýratýrasy Instıtýty «Sottarda memleket múddesine ókildik jasaý jáne atqarýshy is óndirisin prokýrorlyq qadaǵalaýdyń basym baǵyttary» taqyrybynda
biliktilikti arttyrý úshin sotta memleket múddesine ókildik jasaıtyn oblystyq jáne oǵan teńestirilgen prokýratýranyń sot qaýlylarynyń zańdylyǵyn qadaǵalaý basqarmasy bastyqtaryna arnalǵan salalyq semınar ótkizedi.
«Prokýratýra organdarynyń biliktiligin arttyrý kýrsynyń negizgi maqsaty - sotta memleket múddesine ókildik jasaý jáne atqarý óndirisindegi ózekti máselelerdi talqylaý», - dep atap ótti Bas prokýratýra Instıtýtynyń dırektory Saltanat Tursynbekova.
Onyń aıtýynsha, semınar tyńdaýshylaryna QR Joǵarǵy Sotynyń sýdıalary, Astana qalalyq sotynyń jáne otstavkadaǵy sýdıalary, Bas prokýratýra qyzmetkerleri, Qarjy mınıstrliginiń Salyq komıteti jáne keden komıteti, Ádilet mınıstrliginiń Sot aktilerin oryndaý boıynsha komıteti, Qarjy polıtsııasy akademııasy, Qazaqstan Respýblıkasynyń Din isteri boıynsha agenttiginiń ókilderi men elimizdiń aldyńǵy qatarly joǵary oqý oryndarynyń ustazdary men sarapshylary dáris oqıdy.
Atalǵan semınar barysynda prokýrorlardyń iskerligi men jumys tıimdiligin arttyrý, júıeli oılaý qabiletin damytý jáne berilgen tapsyrmany tıimdi oryndaýdy damytatyn trenıngter ótkiziledi.
Semınar nátıjesi boıynsha tyńdaýshylarǵa arnaıy nusqadaǵy sertıfıkattar beriledi dep josparlanǵan.
