Oblystyq aqparattyq nasıhattyq top músheleri Saryaǵash aýdanynyń aktıvimen kezdesti

SARYAǴASh. QazAqparat – Túrkistan oblysy, Saryaǵash aýdany ákimdiginiń úlken zalynda QR Prezıdentiniń bıylǵy Joldaýyn túsindirý jáne nasıhattaý maqsatynda jıyn ótkizildi. Atalǵan jıyndy aýdan ákimi Muhıt Baımuhanbetuly júrgizip, Joldaýda kórsetilgen negizgi baǵytqa toqtaldy, dep habarlaıdy QazAqparat tilshisi.

Basqsoýda Ońtústik Qazaqstan memlekettik pedagogıkalyq ýnıversıtetiniń Qazaqstan tarıhy jáne qoǵamdyq pánder kafedrasynyń aǵa oqytýshysy Bahadyr Aıtaı men oblystyq eńbek ınspektsııasy jónindegi basqarmasynyń basshysy Almas Mamytbekov, oblystyq ardagerler keńesiniń tóraǵasy Jeńisbek Máýlenqulovtar baıandama jasap, turǵyndardyń ómiri men sapaly turmysyn jaqsartýda, ekonomıkasy damyǵan, áleýeti joǵary memleket qalyptastyrýda osy Joldaýda qoıylǵan mindetterdiń mańyzy óte zor ekendigin atap ótti. Sonymen qatar, jıyn barysynda Qablanbek agrarlyq-tehnıkalyq koledjiniń dırektory E.Qanjigitov pen Jibek joly aýyldyq okrýginiń ardagerler keńesiniń tóraǵasy S.Búrkitbaı da óz oılaryn ortaǵa saldy. Endigi kezekte júktelgen mindetter jumys barysynda Saryaǵashtyqtar tarapynan basshylyqqa alynyp, júıeli jezege asyrylmaq. Joldaýdy nasıhattaý jıyny sondaı-aq, aýdandyq ortalyq kitaphanasynda da ótti. Jıynǵa «Nur Otan» partııasy Saryaǵash aýdandyq fılıaly tóraǵasynyń orynbasary Q.Qystaýbaev pen Saryaǵash aýdandyq maslıhatynyń depýtaty Q.Perdequlov, Saryaǵash qalasynyń ákimi S.Sýleımenov pen qalalyq ardagerler keńesiniń tóraǵasy A.Omarbekov, aqsaqaldar keńesi, ájeler alqasy, mektep basshylary, mádenı qyzmetkerleri, qala turǵyndary jáne BAQ ókilderi qatysty. Jıyn barysynda memleket basshysy Q.K.Toqaevtyń QR halqyna joldaýynda kórsetilgen mindetterdiń el damýy men órkendeýine negizdelgeni jóninde joldaýdy qoldaý, joldaýdaǵy mindetterdi oryndaý, halyq arasynda jappaı nasıhattaýǵa asa kóńil bólinýi kerektigi aıtyldy.