Oblystardaǵy 40-tan astam aýdan ákimdikteriniń ókilderi memlekettik jáne jergilikti basqarý máseleleri boıynsha semınarǵa qatysady
ASTANA. 18 qarasha. QazAqparat - 19 qarasha kúni QR Prezıdenti janyndaǵy Memlekettik basqarý akademııasynyń uıymdastyrýymen
«Qazaqstan Respýblıkasyndaǵy memlekettik jáne jergilikti basqarý jáne ózin-ózi basqarý» taqyrybynda bes kúndik semınar ótedi. Semınar jergilikti atqarýshy organdardyń joǵary jáne orta býyndy basshylaryna arnalǵan memlekettik qyzmetshilerdiń biliktiligin arttyrý kýrstary aıasynda uıymdastyrylmaq.
Іs-sharaǵa qatysatyndyqtaryn eldiń barlyq oblystarynan 40-tan astam aýdan ákimdikteriniń ókilderi qýattady.
Semınardyń basty maqsaty - tyńdaýshylarda Qazaqstan Respýblıkasyndaǵy jergilikti memlekettik basqarýdyń ózekti máseleleri boıynsha zamanaýı bilim júıesin qalyptastyrý.
Onyń barysynda memlekettik qyzmetti jańǵyrtýdyń joldary men ádisteri, QR-daǵy Memlekettik qyzmettiń jańa úlgisiniń tujyrymdamasyn júzege asyrý protsesi týraly aıtý kózdelgen. Sondaı-aq memlekettik basqarý organdarynyń qyzmetin baǵalaýdyń tıimdiligi máselelerin qaraý, sybaılas jemqorlyqqa qarsy turýdyń zańnamalyq negizderin zerdeleý, usynylatyn memlekettik qyzmetterdiń sapasyn zamanaýı basqarý ádistemesin tanystyrý josparlanǵan.
