Oblystarda bir memlekettik jáne bir iri jeke menshik JOO qalady
ASTANA. 26 naýryz. QazAqparat - Aldaǵy eki jylda elimizdegi joǵary oqý oryndarynyń jalpy sany 100-ge jýyq bolady.
Bul týraly búgin selektorlyq tártiptegi Úkimet otyrysynda QR Bilim jáne ǵylym mınıstri Baqytjan Jumaǵulov málim etti.
Aıta keteıik, qazirgi kezde Qazaqstandaǵy JOO-lardyń sany - 136.
«Elbasy oqý oryndaryn aımaq qajettiligine qaraı mamandandyrý týraly tapsyrma bergen bolatyn. Sondyqtan memlekettik joǵary oqý oryndary da ońtaılanatyn bolady. Nátıjesinde taıaýdaǵy 2 jylda elimizdegi joǵary oqý oryndarynyń jalpy sany 100-ge jýyq bolmaq», - dedi vedomstvo basshysy.
Mınıstrdiń paıymdaýynsha, bul - damyǵan elderde qabyldanǵan kórsetkishke qol jetkizýge múmkindik beredi. Nátıjesinde kóptegen aımaqtarda bir memlekettik jáne bir iri jeke menshik joǵary oqý orny bolady.
