Oblystar arasyndaǵy avtobýstar qatynasy 5 maýsymǵa deıin jandanady
NUR-SULTAN. QazAqparat – Qazirgi kezde oblysishilik baǵyttar 10 óńirde jandandy. Bul týraly QR Indýstrııa jáne ınfraqurylymdyq damý mınıstrligi baspasóz qyzmetinen málim etti, dep habarlaıdy QazAqparat tilshisi.
«Búginde oblysishilik baǵyttar 10 óńirde jandanǵan, al qalǵan 4 óńirde (Nursultan, Almaty jáne Shymkent qalalarynan basqa) bıyldyń 5 maýsymyna deıin qaıta iske qosý josparlanýda», - delingen vedomstvo málimetinde.
Budan bólek, oblysaralyq baǵyttar 3 óńirde jandandy. Qalǵan óńirlerde bul sharalar 5 maýsymǵa deıin júzege asyrylmaq.
Aıta keteıik, QR Bas sanıtarlyq dárigeriniń 2020 jylǵy 10 mamyrdaǵy qaýlysynyń talaptaryn eskere otyryp, avtobýs baǵdarlarynda jolaýshylar tasymalyn júzege asyrý kezindegi jumys algorıtmi ázirlendi.
Osy oraıda ákimdikter sanıtarlyq normalardyń saqtalýyn eskere otyryp, turaqty avtobýs tasymaldaryn oblysishilik (1379 baǵyt) jáne oblysaralyq (313 baǵyt) qatynasta bıylǵy 1 maýsymynan bastap jandandyrý jónindegi jumystardy júrgizý qajettiligi týraly aqparattandyryldy.
Buǵan deıin Qazaqstan qalalary arasyndaǵy blokpostar alynatyny habarlanǵan bolatyn.
Ákimdikter jolaýshy tasymaly kezinde koronavırýs ınfektsııanyń taralýynyń aldyn alýda tıimdi bolý úshin tasymaldaý protsesine qatysýshylardyń osy algorıtmge sáıkestigin qamtamasyz etýge qajetti sharalardy qabyldaýy tıis.
