Oblystan aýdanǵa 14 fýnktsııa beriledi - E.Dosaev
ASTANA. QazAqparat - Oblystan aýdandyq deńgeıge 14 fýnktsııa beriledi. Bul týraly búgin Senatta «QR Úkimeti týraly» QR Konstıtýtsııalyq Zańyna ózgerister engizý týraly» QR Konstıtýtsııalyq Zańynyń jobasy, «QR-nyń keıbir zańnamalyq aktilerine memlekettik basqarý deńgeıleri arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» QR Zańynyń jobasy boıynsha baıandama jasaǵan Ulttyq ekonomıka mınıstri Erbolat Dosaev aıtty.
«Jergilikti atqarýshy bılik deńgeıleri arasynda oblystan aýdandyq deńgeıge shalǵaı eldi mekenderde turatyn balalardy jalpy bilim beretin mektepterge tasymaldaý shemasy men tártibin bekitý, aýdandyq jáne qalalyq mamandandyrylmaǵan balalar-jasóspirimder mektepteri qyzmetin qamtamasyz etý sııaqty 14 fýnktsııa beriledi», - dedi E.Dosaev.
Mınıstrdiń atap ótýinshe, zań jobalaryn iske asyrý respýblıkalyq bıýdjetten qosymsha qarjy qarajatyn bólýdi qajet etpeıdi jáne teris áleýmettik-ekonomıkalyq jáne quqyqtyq saldar ákelmeıdi.
«Sonymen birge, zań jobalaryn qabyldaý «jınaqy» Úkimet qalyptastyrýǵa, ortalyq jáne jergilikti atqarýshy organdardyń derbestigi men jaýapkershiligin kúsheıtýge, ruqsat aınalymyn ońtaılandyrýǵa ári kórsetiletin memlekettik qyzmetterdi tutynýshylarǵa jaqyndatýǵa múmkindik beredi», - dedi mınıstr.
