Oblys mektepterindegi kompıýterler tolyǵymen jańartyldy - Jeńis Qasymbek
NUR-SULTAN. QazAqparat - Qaraǵandy oblysynyń mektepterindegi kompıýterler tolyǵymen jańartyldy. Bul týraly óńir basshysy Jeńis Qasymbek málim etti, dep habarlaıdy QazAqparat tilshisi.
«Oblysta 504 mektep bar, onda 203 myń oqýshy oqıdy. Olardyń 60%-y onlaın rejımde bilim alyp jatyr. Sonymen qatar, 5 myń kezekshi synyp quryldy, onda bastaýysh synyp oqýshylarynyń 38%-y oqıdy. Sondaı-aq, shalǵaıda ornalasqan 228 aýyldyq mektep shtattyq rejımde jumys isteýde», - dedi J. Qasymbek OKQ-de onlaın ótken baspasóz máslıhatynda.
Oblys basshysynyń málimdeýinshe, óńirde oqýlyq máselesi de tolyqtaı sheshilgen.
«Búgingi tańda oblys mektepterinde kompıýterlik park tolyǵymen jańartyldy. Barlyq mektepterde 47,5 myńnan astam kompıýter bar. Sonymen qatar, az qamtylǵan otbasylardan shyqqan oqýshylardy ınternetpen qamtamasyz etý úshin 6 myńǵa jýyq roýter taratyldy. Odan bólek, jergilikti bıýdjet qarajaty esebinen 58,2 mln teńgege 3 216 modem satyp alynyp, 2 812 bala úshin 26,9 mln teńgege teńgerim toltyrylýda, - deıdi ol.
Aıta ketsek, buǵan deıin J. Qasymbek jyl sońyna deıin 2,5 myńnan astam qaraǵandylyq otbasynyń baspanaly bolatyny týraly málim etken edi.
