Oblys basshysy soǵys jáne eńbek ardageri B.Jumaǵalıevke arnaıy kelip, kóristi - BQO
ORAL. 14 naýryz. QazAqparat - 14 naýryz kúni oblys ákimi Nurlan Noǵaev óńirge tanymal soǵys jáne eńbek ardageri Bısen Jumaǵalıevke arnaıy kelip, kóristi.
- Jasym úlken bolǵan soń, búgin oblys ákiminiń orynbasarlary, basqa da laýazymdy azamattar kelip, amandasyp shyqty. Bul - ejelden kele jatqan kórisý aıty ǵoı. Oblys basshysymen áńgimede bıyl ylǵaldyń mol bolatyny, eginnen jaqsy ónim alýǵa múmkindiktiń barlyǵy, kóktemgi sý tasqynynan saqtaný kerektigi aıtyldy, - dedi B.Jumaǵalıev.
Bıylǵy 22 jeltoqsanda toqsannyń tórine shyǵatyn Bısen Jumaǵalıev - elge syıly aqsaqaldyń biri. Kezinde Uly Otan soǵysyna qatysyp, Batys Qazaqstan oblystyq «Ekpindi qurylys» gazetiniń redaktory, Fýrmanov aýdandyq partııa komıtetiniń birinshi hatshysy, Oral jáne Kókshetaý oblystyq partııa komıtetteriniń hatshysy syndy qyzmetterdi atqarǵan qarııa áli de sapta deýge bolady. Ol sońǵy on jyldaı ýaqyt boıy oblys ákiminiń keńesshisi bolyp keledi.
Birneshe kitaptyń avtory, qolynan qalamy túspegen B.Jumaǵalıev uly orys jazýshysy Mıhaıl Sholohovtyń dosy retinde de tanymal. Onyń «Sholohov v Kazahstane» degen kitabynyń Qazaqstanda ǵana emes, Máskeýdegi «Algorıtm» baspasynan da jaryq kórýi eki el arasyndaǵy yntymaqtastyqty kórsetedi. Osy kitaptyń bir danasyn Nurlan Asqaruly avtorǵa syıǵa tartty.
