Oblys ákimi Ekibastuzdaǵy qalǵan úılerdi 3 kúnde jylýǵa qosýdy tapsyrdy
Oblys ákimi baspasóz qyzmetiniń málimetinshe, qazirgi kezde 24 jeke menshik úıge jylý berildi, qalǵan 29 úıdi jylýǵa qosý boıynsha jumystar júrip jatyr.
Ekibastuz qalasynyń ákimi Aıan Beısekınniń aıtýynsha, jelidegi de, úılerdiń ishindegi de jumystar táýlik boıy júrgizilýde. Kópqabatty úılerdiń bárine jylý berildi.
«Turǵyn úılerge berilip jatqan jylý rejımderinde aýytqý bolǵandyqtan, qazir jylýmen qamtýdy retteý júrip jatyr», — dedi Aıan Beısekın.
Oblys ákimi qalǵan úılerdi jylýǵa qosý jumystaryn úsh kúnniń ishinde aıaqtaýdy tapsyrdy.
«OAEK» AQ basqarma tóraǵasy Leonıd ıAnýshkonyń habarlaýynsha, qazir olardyń basty mindeti – jylýmen qamtý júıesin retteý.
Óz kezeginde aımaq basshysy A.Baıhanov stantsııa turaqty túrde jumys isteýi úshin aýa raıy jaǵdaıyna qaramastan temperatýrany kóterip, ony ustap turý qajet ekenin atap ótti. Sondaı-aq ol «OAEK» AQ basshylyǵyna stantsııa qazandyqtaryna maýsymaralyq kezeńde kúrdeli jóndeý júrgizý qajettigin aıtty.
«Biz óz tarapymyzdan jylý jelilerin jóndeý jáne jańǵyrtý boıynsha qajetti kómek kórsetemiz. Alaıda, sizder qysqa merzimde jelilerdi jańǵyrtý jáne qaıta qurý jobalaryn ózektendirip, smetalyq esepterińizdi jańartýlaryńyz qajet. 2023 jyldyń aqpan aıyna deıin sońǵy nusqalardy tapsyrý kerek», – dedi oblys ákimi.
Eske sala keteıik, jóndeý-qalpyna keltirý jumystaryna Ekibastuzdaǵy ónerkásiptik kásiporyndardyń 200-den astam mamany tartyldy. 2022 jylǵy 10 jeltoqsannan bastap pavlodarlyq mamandardy tartý arqyly qalanyń jylý jelisin retteý bastaldy. Sonymen qatar jylý trassalaryndaǵy usaq sý ketýler men aqaýlardy joıý jumystary júrip jatyr.
Eske salaıyq, 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy.
Keıin jylý qazandyǵynyń isten shyǵýyna baılanysty oblys ákimi bastaǵan jedel shtab quryldy.
28 qarasha kúni tańerteń qalada jergilikti aýqymdaǵy tótenshe jaǵdaı jarııalandy.
Apat sebebi retinde jylý jelileriniń tozýy, jylý ortalyǵy basshylyǵynyń nemquraılylyǵy men ınvestıtsııalardyń jetkiliksizdigi ataldy.
Memleket basshysynyń tapsyrmasy boıynsha Premer-Mınıstrdiń birinshi orynbasary Roman Sklıar apat saldaryn joıý jumystary aıaqtalǵansha Ekibastuzda bolatyny habarlandy.
8 jeltoqsanda Prezıdent Qasym-Jomart Toqaevqa esep bergen Pavlodar oblysynyń ákimi Asaıyn Baıhanov Ekibastuzdaǵy jylý júıesin qalpyna keltirý 15 jeltoqsanǵa deıin aıaqtalatynyn aıtty. Osy kúni qalada tótenshe jaǵdaı rejımi alyndy.