Oblys ákimi dáris oqydy
QYZYLORDA. QazAqparat - Qyzylorda oblystyq Qazaqstan halqy Assambleıasynyń tóraǵasy, saıası ǵylymdarynyń doktory Qyrymbek Kósherbaev Dostyq úıinde «Táýelsiz Qazaqstan etnosaıasatynyń qalyptasýy» taqyrybynda dárisin oqydy, dep habarlady QazAqparat HAA tilshisi. QYZYLORDA.QazAqparat - Qyzylorda oblystyq Qazaqstan halqy Assambleıasynyń tóraǵasy, saıası ǵylymdarynyń doktory Qyrymbek Kósherbaev Dostyq úıinde «Táýelsiz Qazaqstan etnosaıasatynyń qalyptasýy» taqyrybynda dárisin oqydy, dep habarlady QazAqparat HAA tilshisi. QYZYLORDA.QazAqparat - Qyzylorda oblystyq Qazaqstan halqy Assambleıasynyń tóraǵasy, saıası ǵylymdarynyń doktory Qyrymbek Kósherbaev Dostyq úıinde «Táýelsiz Qazaqstan etnosaıasatynyń qalyptasýy» taqyrybynda dárisin oqydy, dep habarlady QazAqparat HAA tilshisi. QYZYLORDA.QazAqparat - Qyzylorda oblystyq Qazaqstan halqy Assambleıasynyń tóraǵasy, saıası ǵylymdarynyń doktory Qyrymbek Kósherbaev Dostyq úıinde «Táýelsiz Qazaqstan etnosaıasatynyń qalyptasýy» taqyrybynda dárisin oqydy, dep habarlady QazAqparat HAA tilshisi.
Dáriske etnomádenı birlestikterdiń jetekshileri men belsendi músheleri, oblystyq assambleıanyń barlyq qurylymdarynyń ókilderi, Qorqyt Ata atyndaǵy QMÝ-niń «Qazaqstan halqy Assambleıasy» kafedrasynyń oqytýshylary, bilim alýshy magıstranttar, JOO rektorlary men gýmanıtarlyq kafedralardyń oqytýshy-professorlary, kolledjder men orta mektepterdiń dırektorlary, tárbıe isi jónindegi orynbasarlary men tarıh páni muǵalimderi, barlyǵy 300-ge jýyq tyńdarman qatysty.
Oblystyq assambleıanyń tóraǵasy dárisin Elbasynyń «Bolashaqqa baǵdar: rýhanı jańǵyrý» baǵdarlamalyq maqalasymen baılanystyryp, táýelsizdik jyldarynda memlekettik etnosaıasatta qol jetkizilgen tabystar men alda turǵan mindetterdi aıqyndap berdi.
Aımaq basshysy «Maqalada kóterilgen árbir másele ár qazaqtyń, qazaqstandyqtyń júregine jyly tartqan kemel oıdan týǵan kemeńger sheshim ekendigi daýsyz. Qarapaıym maqala emes halyqty rýhanı baıytý maqsatynda jasalǵan mańyzdy qadam. San ǵasyrlyq tarıhy bar halqymyzdyń ulttyq qundylyqtaryn túgendeý, búgingi zaman talabymen úndestire otyryp jazýdy kózdeıtin memlekettik deńgeıdegi baǵdarlama», - deı kele, búgingi qoǵam qajettiligin dóp basatyn negizgi qujat ekenin atap ótti.
Dáris barysynda oblystyq assambleıa tóraǵasy: «Aldymyzda básekege qabiletti 30 eldiń qataryna kirýdi maqsat etip qoıǵannan keıin de, biz ózimizge tán erekshelikterdi, halqymyzǵa tán qalpymyzdy saqtap kelemiz. Elimizdiń etnosaralyq birlik pen qoǵamdyq kelisim saıasaty búginde dúnıejúziniń qyzyǵýshylyǵyn týǵyzǵan biregeı modelge aınalǵanyn jaqsy bilesizder. Etnosaıasat tamyry tereń serpindi úderis.
Bul eń aldymen elimizdiń Tuńǵysh Prezıdenti, Qazaqstan halqy Assambleıasynyń tóraǵasy N.Á.Nazarbaevtyń etnosaralyq, konfessııaaralyq kelisim negizinde, qoǵamdaǵy turaqtylyqta baǵyttalǵan syndarly saıasatynyń jemisi», - dedi.
Qyrymbek Kósherbaev, «eldik pen birliktiń sımvolyna aınalyp álem elderi tarapynan joǵary baǵaǵa ıe bolǵan Qazaqstan halqy Assambleıasy týraly «Búgingi tańda etnostardyń múddesin ortaq qazaqstandyq múddege aınaldyrýdy, ulttyq erekshelikterine qaramastan, barlyq azamattardyń quqyǵy men erkindigin saqtaýdy qamtamasyz etetin qoǵamdyq ınstıtýt - Assambleıanyń orny erekshe. Qazaqstan halqy Assambleıasy ózge elderge úlgi kórsete otyryp, birliktiń qazaqstandyq biregeı úlgisin tanytty», - deı kele, oblystyq assambleıanyń 11 etnomádenı, 6 etnobaǵyttalǵan birlestikteri, 145 Analar keńesi, 155 Qoǵamdyq kelisim keńesi, 22 dostyq klýby, 1 ǵylymı-sarapshylyq toby,1 medıatsııa kabıneti, oblystyq máslıhatta depýtattyq toby, metsenattar toby, jýrnalıster men sarapshylar klýby, jastar qanaty, aqparattyq-nasıhattyq toby bar úlken áleýettik kúshke aınalǵanyn atap ótti.
Mazmundy ótkizilgen dáristen keıin tyńdarmandar tarapynan birneshe saýaldar qoıylyp, olarǵa tolyq ári tushymdy jaýaptar qaıtaryldy.
Dáris sońynda oblys ákimi barsha jıylǵan qaýymdy 1 - mamyr Qazaqstan halqy birligi merekesimen quttyqtady.
