Oblystyq teatr ártisteri jyldar boıy memlekettik syılyq almaı keledi — teatrtanýshy

ALMATY. KAZINFORM — Almatyda M.Áýezov atyndaǵy Ádebıet jáne óner ınstıtýtynyń uıymdastyrýymen aımaqtyq teatrlardyń máselesi talqylanǵan jıyn ótti.

Teatrtanýshy, ónertaný kandıdaty Anar Erkebaı oblystyq teatr akter, aktrısalary memlekettik marapattardan jıi tys qalatynyn aıtty. Onyń sózinshe, mundaı konkýrstarda Almaty men Astananyń ártisterine basymdylyq beriledi

— Teatrdyń statýsyn kóterý úshin, akademııalyq statýs alý úshin belgili erejeleri bar. Mysaly, bir Halyq ártisi, bes Eńbek sińirgen ártisi, birneshe mádenıet qaıratkeri, «Parasat», «Qurmet» ordeniniń ıegerleri bolýy kerek. Biraq bul talaptarǵa oblystyq teatrlar jete almaı jatyr. Óıtkeni mundaı ataqtarǵa bir konkýrs jarııalanǵan kezde taǵy da sol Almaty, Astananyń kózge kórinip júrgen tanymal ártisteri alyp ketedi. Al oblystyq teatrlar syrt qalyp qoıady. Bul olar úshin úlken másele. Keı teatrlarda aǵa býyn ókilderi keńestik kezeńde, 90-shy jyldary ataq alyp qalǵan bolsa, bertin kele múldem almaı jatqandary bar. ıAǵnı, akterlerge mundaı marapattar stımýl bolady. Motıvatsııa berýimiz kerek. Sondyqtan osy másele elep-eskerilse deımiz, — dedi ol.

Eske salaıyq, Býrabaıda ótken Ulttyq quryltaıdyń IV otyrysynda Memleket basshysy Qasym-Jomart Toqaev aımaqtyq teatrlardyń jaı-kúıi týraly másele kóterdi jáne jergilikti bıznes ókilderin teatrlarǵa qoldaý kórsetýge shaqyrdy.