«Oblys ákiminiń orynbasarymyn»: Óskemende kásipkerden 50 mln teńge alǵan alaıaq sottaldy

ÓSKEMEN. KAZINFORM – Óskemen qalasynda ózin oblys ákiminiń orynbasary retinde tanystyryp, kásipkerden 50 mln teńge alǵan alaıaq sottaldy.

Sot materıaldarynan belgili bolǵandaı, alaıaqtyq jasaǵany úshin túzetý mekemesinde jazasyn ótep jatqan aıyptalýshy uıaly telefonǵa qol jetkizgen. Sodan keıin iri kásipkerlerge habarlasyp, ózin oblys ákiminiń orynbasary retinde tanystyrǵan.

Ol kásipkerlerden sý tasqynynyń saldaryn joıýǵa kómek kórsetý maqsatynda aqsha suraǵan. Sottalýshy odan ári jeńildikter men preferentsııalar berý syltaýymen kásip ıeleriniń birinen 50 mln teńge aldy. Alaıda alaıaqtyǵy anyqtalyp, is sotqa jetti.

«Sot úkimimen kináli dep tanylǵan aıyptalýshy buryn taǵaıyndalǵan jazany qosqanda 8 jylǵa bas bostandyǵynan aıyryldy. Úkim áli zańdy kúshine engen joq», - dep habarlady Óskemen qalalyq sotynyń baspasóz qyzmetinen.