Oblys ákimdikterinde bala quqyqtaryn qorǵaý basqarmalary qurylady

ASTANA. KAZINFORM – Oblys ákimdikteriniń quramynda jańa basqarma paıda bolady. Bul týraly Bala quqyqtary jónindegi ýákil Dınara Zákıeva Instagram-daǵy paraqshasynda jazdy. 

— Qurmetti dostar! Balalardy qorǵaý isindegi basty jańalyq — óńirlerde Bala quqyǵyn qorǵaý jónindegi basqarmalar qurylatyn boldy. Al aýdandarda bólimder qurylady, — dep jazdy ýákil.

Dınara Zákıeva bul bastama Memleket basshysynyń bala quqyǵyn qorǵaý júıesin nyǵaıtý baǵytyndaǵy saıasatymen úndes ekenin aıtady.

— Biz bir jyl boıy Memlekettik keńesshi Erlan Qarınniń, Prezıdent ákimshiliginiń, Bala quqyqtaryn qorǵaý komıtetiniń qoldaýymen jumys istedik, — dep jazdy ol áleýmettik jelidegi resmı paraqshasynda.

Eske salsaq, keshe ol Almaty oblysyndaǵy mektepterde júrgizilgen anonımdi saýalnamanyń jańa ustatar málimetterin kópshilik nazaryna usynǵan edi.