Obyrǵa qarsy dári jasap jatqan ǵalym Ulttyq ǵylym akademııasynyń vıtse-prezıdenti boldy

ASTANA. KAZINFORM — Dos Jurmahanbetuly — onkologııalyq aýrýlarmen kúres salasyndaǵy álemdegi jetekshi ǵalym. Ol keshe Qazaqstan ulttyq ǵylym akademııasynyń vıtse-prezıdenti bolyp taǵaıyndaldy. 

Professor Dos Sarbasov — Nazarbaev Ýnıversıtetiniń Jaratylystaný, áleýmettik jáne gýmanıtarlyq ǵylymdar mektebiniń oqytýshysy, bıohımııa jáne molekýlalyq bıologııa ǵylymdarynyń kandıdaty (AQSh). 

Doktor Sarbasov uzaq ýaqyt amerıkalyq MD Anderson onkologııa ortalyǵynda jumys istep, 27 jyldan keıin Qazaqstanǵa oraldy.

2020 jyldan beri professor Nazarbaev Ýnıversıtetindegi National Laboratory Astana zerthanasyn basqarady. 

Komandasymen birge professor qaterli isiktiń KRAS-mýtantty túrlerin emdeýdi aıaqtaýdy kózdep otyr.

Ol S dárýmeniniń joǵary dozadaǵy D-formasynyń (D-VC) shaǵyn kontsentratsııadaǵy kúshalamen (arsenic trioxide, ATO) qosyndysyna negizdelgen.

Sarbasov 80-nen astam ǵylymı jarııalanym men 37 qoljazbanyń avtory, mTOR aqýyzynyń ósýdegi, jasýshalardyń kóbeıýindegi, mRNQ transkrıptsııasyndaǵy jáne jasýsha ishindegi aqýyz bıosıntezindegi rólin ashýshylardyń biri.

Amerıkalyq bıohımııa jáne molekýlalyq bıologııa qaýymdastyǵynyń, Prezıdent janyndaǵy ǵylym jáne tehnologııalar jónindegi ulttyq keńestiń múshesi.