OBB: Saýd Arabııasynyń 2001 jylǵy 11 qyrkúıektegi lańkestikke esh qatysy joq
ASTANA. QazAqparat - Saýd Arabııasynyń bıligi 2001 jylǵy 11 qyrkúıekte AQSh-qa jasalǵan lańkestik úshin jaýapty emes. Bul týraly búgin Qurama Shtattarynda Ortalyq barlaý basqarmasynyń dırektory Djon Brennan málimdedi, dep habarlady rg.ru.
Onyń aıtýynsha, oqıǵany tergeý týraly baıandamanyń qupııa bóliginde Er-Rııad «Ál-Kaıda» terrorlyq jelisi men onyń jetekshisi Ýsama ben Ladendi qorǵap kelgeni týraly tikeleı kýálik joq.
«11 qyrkúıekten keıin komıssııa Saýd Arabııasy men SA úkimetiniń qatystylyǵy turǵysyn tyńǵylyqty zerdeledi, - dep OBB dırektorynyń sózin keltirdi TASS. - Olar (komıssııa músheleri) memlekettik bılik ınstıtýty ne onyń laýazymdy tulǵasy retinde Saýd Arabııasy úkimeti 11 qyrkúıektegi lańkestikti qoldaǵanyn kórsetetin dálelder joq degen qorytyndyǵa keldi».
