Obamanyń ushaǵy saılaýaldy saparynda isten shyqty
ASTANA. QazAqparat- AQSh Prezıdenti Barak Obama jeksenbide saılaýaldy sapary barysynda birinshi borty isten shyǵyp, qosalqy ushaqty paıdalanýǵa májbúr boldy.
Bul týraly Ýtro.rý. habarlady.
«Fıladelfııada bolǵan kezde ushaqtyń qanatty mehanıkalandyrý quraly isten shyǵyp, qosalqy ushaqqa aýysyp otyrdyq. S-32 qosalqy ushaǵyna aýysý kestege áser etpeıdi», - dep málimdedi Aq úıdiń ókili Erık Shýlts.
AQSh Prezıdenti ádette «Boıng-747» ushaǵyn paıdalanady. Al «Boıng-757» nusqasy - «Boıng S-32» qosalqy ushaǵy AQSh ÁÁQ-de paıdalanylady.
Obama jeksenbide saılaýaldy saparymen Konnektıkýt jáne Pensılvanııa shtattaryn aralady. Tórtinshi qarashada AQSh-ta aralyq saılaý ótedi.
