Obamanyń sazaıyn tarttyramyn dep, 3 jylǵa bas bostandyǵynan aıyryldy
ASTANA. QazAqparat - AQSh-ta Vıskonsın shtatynyń soty 55 jastaǵy jergilikti turǵyn Braıan Datcherdi úsh jylǵa sottady.
Polıtsııanyń pikirinshe, ol Barak Obama La-Kross qalasyna jumys saparymen barǵanda oǵan shabýyl jasaýǵa daıyndalǵan.
Datcher 2 shildede Obamanyń sazaıyn tarttyratyndyǵy jóninde jazdy. Sol kúni prezıdent Vıskonsın shtatyna barýdy josparlaǵan edi. Ol shynymen Barak Obamanyń saparyna bir kún qalǵanda qalaǵa barǵan. Sol jerde qamaýǵa alyndy.
Alqa bıler soty Datcherdi aıypty dep tanyp, úsh jylǵa bas bostandyǵynan aıyrdy. Sonymen qatar ol bostandyqqa shyqqannan keıin úsh jyl boıy baqylaýǵa alynbaq, dep jazdy lifenews.ru.
