Obamanyń eki keńesshisi otstavkaǵa ketý týraly ótinish berdi
ASTANA. QazAqparat - Aq úıdiń kommýnıkatsııalar boıynsha dırektory Djennıfer Palmerı otstavkaǵa ótinish berdi, ol 2015 jyldyń kókteminde óz qyzmetinen ketpek.
Buǵan deıin qyzmetinen bosatý týraly Barak Obamanyń aǵa kómekshisi Den Pfaıffer málimdegen bolatyn, dep jazady RBK.
Kadrlyq ózgerister Aq úı qyzmetkerleriniń arasynda 2014 jyly úlken «silkiniske» aınaldy. Oǵan Kongreske aralyq saılaý kezinde eki palatada da kóp daýys jınaǵan Respýblıkalyq partııanyń jeńisi sebep bolǵan.
Pfaıfferge keletin bolsaq, ol Obamamen alǵashqy prezıdenttik naýqan kezinen bastap jumys istegen.
«Den 2007 jyly ótken birinshi naýqan kúnderinen bastap meniń janymda boldy. Ol bilimdi, qajymaıtyn, óz isine adal azamat edi», - dedi osy máselege oraı bergen túsiniktemesinde Amerıka prezıdenti.
