Obamanyń bedeli 9% qulady
ASTANA. 14 naýryz. Qazaqparat - AQSh-tyń qazirgi prezıdenti Barak Obamany amerıkandyqtardyń jartysynan azy ǵana qoldaıdy. Ótken aıda onyń bedeli 9%-ǵa tómendegen, dep habarlaıdy ITAR-TASS agenttigi.
New York Times gazeti men CBS telearnasy júrgizgen saýalnama boıynsha prezıdent Barak Obamany el halqynyń tek 41 paıyzy ǵana qoldaıtyndyǵyn bildirgen. «Qarsylardyń» sany 50 paıyzǵa jetken. Bul respondentterdiń negizgi bóligi Obamanyń janarmaı baǵasynyń ósimimen kúresine kóńilderi tolmaıtynyn aıtady.
Degenmen, qazirgi prezıdenttiń deńgeıi Respýblıkalyq partııadan saılaýǵa túsip otyrǵan qarsylastaryna qaraǵanda áli de joǵary. Obamanyń basty qarsylasy respýblıkalyq Mıtt Romnı.
Degenmen Mıtt Romnı respýblıkalyqtardyń tolyqtaı qoldaýyna ıe bolýy úshin 2286 tańdaýshynyń 1144-in óz jaǵyna shyǵarýy tıis. Al búginde onyń jaǵynda 454 tańdaýshy bolsa, onyń qarsylasy, taǵy bir respýblıkalyq Rık Santorýmda 217 tańdaýshy bar.
