Obamanyń áıeli Mıshelge Aq úıdiń aldynda án salýǵa týra keldi
ASTANA. 8 jeltoqsan. QazAqparat - Aq úı aldynda eldiń basty rojdestvolyq shyrshasynyń shamyn jaǵý dástúrin 1923 jyly AQSh-tyń 30-shy prezıdenti Djon Kalvın Kýlıdj qalyptastyryp, ol osy kúnge deıin ózgerissiz keledi.
Osy jolǵy 90-shy shyrsha shamyn jaǵý sharasyn AQSh Prezıdenti óziniń áıeli Mıshel men qyzdaryna senip tapsyrdy, dep habarlady Ýtro.rý.
Barak Obama «bes, tórt, úsh, eki, bir» dep sanaǵannan keıin Vashıngtondaǵy eldiń bas shyrshasynyń myńdaǵan shamy jarqyrady. Merekelik kóńil kúı sharaǵa jınalǵan qaýym arasynda jyldam tarady. Ony «Santa Clause is Coming to Town» ánin shyrqaı jónelgen Prezıdent qyzdyra tústi. Ándi ózi bastaǵan Barak áıelin qosylýǵa shaqyrǵan edi. Degenmen kópshilik aldynda án aıtýǵa qysylǵan Mıshel kúıeýine qaraı úlken, odan keıin kishi qyzyn jóneltti. Árıne, muny jetkiliksiz sanaǵan Barak áıelin án shyrqaýǵa kóndirdi. Mundaı tamasha kóriniske jınalǵan qaýym rızashylyq tanytyp, olarǵa zor qoshemet kórsetti.
