Obamany ýlap óltirmek bolǵan amerıkandyq 25 jylǵa sottaldy
ASTANA. QazAqparat - AQSh soty dúısenbi kúni amerıkandyq senatorlar men prezıdent Barak Obamaǵa ý salynǵan hat joldaǵan Djeıms Everett Datchkeni 25 jylǵa bas bostandyǵynan aıyrdy, dep habarlady Assoshıeıted Press.
2013 jyldyń sáýir aıynyń sońynda AQSh prezıdentine rıtsın ýy salynǵan hat joldanypty degen habar dúıim jurtty dúrliktirgen edi. Abyroı bolǵanda, qaýipsizdik qyzmetkerleri Barak Obama men senator Rodjer Ýıker men Karl Levınge arnalǵan hatty dittegen jerine jetkizbedi. Osy iske qatysty Datchkege resmı aıyp taǵylyp, qamaýǵa alyndy. Ony tintý kezinde tabylǵan respırator ózine qarsy basty aıǵaq boldy. Qurylǵydan ýdy daıyndaý kezinde qalǵan DNQ men rıtsınniń izderi tabylǵan.
