Obamaǵa joldanǵan hattan ý tabyldy
ASTANA. 18 sáýir. QazAqparat - AQSh-tyń arnaıy qyzmeti prezıdent Barak Obamaǵa joldanǵan hattardyń birin "kúdikti" dep tapty.
17 sáýir kúni federaldyq tekserý bıýrosy konvertten rıtsın ýyn tapqany týraly resmı túrde jarııa etti, dep habarlaıdy «Azattyq».
16 sáýirde Aq Úıdiń syrtyndaǵy tekserý ornynda konvertten quramy túsiniksiz zat tabylǵan edi. Dál sol kúni senatorlardyń birine jiberilgen hattan da rıtsın ýynyń shyqqandyǵy málimdelgen bolatyn.
Arnaıy qyzmet ókili Edvın Donovan Kapıtolııdiń qaýipsizdik qyzmetimen jáne federaldyq tekserý bıýrosymen hatty kim jibergenin tabý úshin tyǵyz qarym-qatynasta jumys istep jatqandaryn aıtty. Kúdikti konvertter 15 sáýir kúni Boston marafony kezinde bolǵan jarylystan soń tabylyp otyr. Ol jarylys kezinde 3 adam ólip, 170-ten astam adam jaralandy.
17 sáýir kúni AQSh-tyń birneshe telearnasy Kapıtolııden kúdikti sálemdeme tabylǵan soń ǵımarattyń keıbir bóliginen adamdardyń shuǵyl túrde kóshirilip jatqany týraly habarlady.
