Obamaǵa qastandyq oılastyrǵanyn moıyndaǵan násilshil 14 jylǵa sottaldy
ASTANA. Qazannyń 23-i. QazAqparat - 2008 jyly AQSh prezıdenttigine kandıdat kezinde Barak Obamaǵa qastandyq oılastyrǵanyn moıyndaǵan amerıkandyq Denıel Kovart 14 jylǵa sottaldy, dep habarlaıdy ITAR-TASS agenttigi.
Tergeý málimetteri boıynsha, osydan eki jyl buryn 20 jastaǵy Kovart óziniń seriktesi 18 jastaǵy Pol Shlesselmanmen birlesip, jalpy eseppen 102 afroamerıkandyqty óltirýdi josparlaǵan. Odan keıin álgi násilshilder Obamanyń kózin joımaq bolǵan.
Aǵymdaǵy jyldyń naýryz aıynda Denıel Kovart óz kinásin moıyndady jáne afroamerıkandyqtardan, sondaı-aq Barak Obamadan keshirim surady. Onyń serigi Pol Shlesselman túrmede óziniń 10 jyldyq jazasyn ótep jatyr.
