Obama jubaıymen ajyraspaq
ASTANA. 26 jeltoqsan. QazAqparat - AQSh-ta jergilikti BAQ eldiń birinshi hanymy Mıshel Obama jubaıymen ajyraspaq degen jańalyqty jarysa jazyp jatyr. Ýtro.rý habarlaǵandaı, Barak Obamanyń Nelson Mandela janazasynda Danııa premer-mınıstri Helle Tornıng-Shmıttpen oınap-kúlgen is-áreketi onyń zaıybynyń shydamyn taýysqan. Sosyn ol dat delegatsııasynyń basshysymen birge birneshe márte sýretke de túsken.
Basylymnyń aqparatyna qaraǵanda, erli-zaıyptylardyń qarym-qatynasynyń buzylǵanyna birtalaı ýaqyt ótken. Olar birazdan beri bólek bólmelerde turady. «Kóp jyldar boıy olar ózderiniń qyzdary men saıası mansap úshin ǵana qarym-qatynastaryn saqtap qalýǵa tyrysqan», - dep habarlady AQSh prezıdentiniń otbasyn jaqsy biletin derek kózi.
Barak jáne Mıshel Obama 1992 jylǵy 3 qazanda úılengen bolatyn. 1998 jyly olardyń Malııa atty, al úsh jyldan soń Sasha atty qyzdary dúnıege kelgen.
