Obama tuńǵysh ret musylmandy federaldy sot etip taǵaıyndady
ASTANA. QazAqparat - AQSh prezıdenti Barak Obama tuńǵysh ret federaldy sot laýazymyna Qurama Shtattar azamaty bolyp tabylatyn musylmandy taǵaıyndady, dep habarlady Politico.
Vashıngtonda turatyn zańger Abıd Rıaz Kýreshıdi Aq úı Kolýmbııa okrýgtik federaldy soty etip belgiledi.
«Kýreshı myrzany Qurama Shtattar federaldy soty qyzmetine taǵaıyndaǵanyma qýanyshtymyn. Ol Amerıka halqyna adal jáne ádil qyzmet eterine senimdimin», - dedi AQSh prezıdenti.
Kýreshı densaýlyq saqtaý salasyndaǵy quqyq buzýshylyqtarmen jáne qundy qaǵazdarmen aınalysatyn Latham&Watkins LLP fırmasynda jumys isteıdi. Ol 1997 jyly Garvard Ýnıversıtetiniń Quqyq mektebin bitirgen.
Endi onyń kandıdatýrasy naqty qabyldanýy jáne bekitilýi tıis.
