Obama Tramptyń AQSh prezıdenti bolatyndyǵyna senbeıdi
ASTANA. QazAqparat - CNN telearnasyna suhbat berý barysynda jýrnalıst Obamadan Tramp AQSh prezıdenti bolsa, qandaı sheshimder qabyldaýy múmkin degen suraqqa pikirin bildirýin ótindi.
"Bul jaıynda oılaǵan da emespin. Sebebi ol Prezıdent bolyp saılanady dep kútpeımin", - dedi Obama.
Demokrat Obama 2009 jyly bastaǵan AQSh prezıdenttigine ekinshi jáne sońǵy merzimin pysyqtaýda. Qazirgi ýaqytta demokratııalyq partııadan bul laýazymǵa senator Bernı Sanders jáne Obamamen 2009-13 jyldary jumys istegen AQSh-tyń burynǵy memlekettik hatshysy Hıları Klınton úmitker. Mıllıarder Tramp respýblıkalyqtar arasyndan saılaýaldy básekeniń kóshbasshysy sanalady.
