Obama saıasatqa qaıta oralýdy josparlaýda
ASTANA. QazAqparat - AQSh-tyń burynǵy prezıdenti Barak Obama saıasat sahnasyna oralýǵa daıyn.
Bul týraly AQSh-tyń burynǵy bas prokýrory Erık Holder málimdedi.
«Ol (Obama) iske kirisýge daıyn», - dedi Holder. Ol «bizdiń demokratııamyz úshin shynaıy shaıqas» bastalǵanyn atap ótti.
Holderdiń aıtýynsha, Demokratııalyq partııa barlyq kúshin shtattyq deńgeıdegi zańnamalyq jınalystar saılaýlaryna jumsamaq. Osylaısha, partııanyń Kongrestegi yqpalyn arttyryp, Donald Tramptyń saıasatyna qarsy turmaq nıette.
Sondaı-aq, demokrattar AQSh-taǵy saılaý okrýgterindegi ózgeristerdi basa nazarda ustaýdy josparlaýda.
Obama Ulttyq demokratııalyq komıtetke arnalǵan qarjylardy jınaýǵa atsalysyp, zańnamalyq protseste keńesshi retinde jumys jasaýy múmkin.
