Obama prezıdenttik saılaýda alda keledi
ASTANA. 3 tamyz. QazAqparat - AQSh prezıdenti Barak Obama Pew Research Center ortalyǵy júrgizgen málimetterge qaraǵanda prezıdenttik saılaýda alda kele jatyr, dep habarlady RIA Novostı.
Zetteý nátıjelerine sáıkes, suralǵandardyń 51 paıyzy Obamany qoldaıtyndyqtaryn jáne onyń qaıta prezıdenttikke saılanýyn qup kóretindikterin aıtqan. Óz kezeginde Obamanyń qarsylasy Massachýsets shtatynyń burynǵy gýbernatory Mıtt Romnıdi turǵyndardyń 41 paıyzy qoldaıtyn bolyp shyqty.
Bul kórsetkishter shildedegi saýalnamalardyń nátıjesi. Aǵymdaǵy jyldyń qańtar aıynan bastap júrgizilip kele jatqan Pew Research Center ortalyǵynyń sońǵy 8 saýalnamasyna zer salsaq, Obama 4-ten 12 paıyzǵa deıingi aıyrmashylyqpen únemi kóshbasshylyǵyn saqtap tur.
Saýalnama 16-26 shilde aralyǵynda júrgizildi, suraqtarǵa 2 myń 508 amerıkandyq jaýap berdi.
Aıta keteıik, AQSh-ta prezıdenttik saılaý 6 qarashada ótedi.
