Obama munaıdy AQSh-tan eksporttaýǵa salynǵan 40 jyldyq tyıymdy alyp tastady
ASTANA. QazAqparat - AQSh Prezıdenti Barkk Obama juma, 18 jeltoqsan kúni bıýdjet jobasyna qol qoıdy. 1,1 trln. kólemindegi bıýdjet AQSh-tan shıki munaıdyń eksporttalýyna salynǵan 40 jyldyq tyıymnyń ornyna memlekettik apparattyń qarjylandyrylýyn saqtaýǵa jumsalmaq.
Buǵan deıin bıýdjet jobasyn AQSh Kongresi maquldaǵan bolatyn.
Munaı embargosyn alyp tastaýda respýblıkandyqtar tabandylyq kórsetti. Olardyń Demokratııalyq partııa ókilderimen atalǵan másele boıynsha kelispeýshilikteri bıýdjettik shyǵyndar jobasynyń qabyldanýyn keshiktirdi. AQSh Prezıdenti Barak Obama embargony alyp tastaýǵa qarsy shyqty. Demokrattar energııanyń ekologııalyq jańartylyp otyrǵan kózderimen jumys isteıtin kompanııalardy qoldaý qajettiligi týraly aıtyp otyr, dep jazady RBK.
Reuters agenttiginiń buǵan deıin habarlaýynsha, Barak Obama munaıdy eksporttaýǵa tyıym salýǵa qarsy edi. Alaıda qabyldanǵan zań jobasynda prezıdent úshin osyǵan uqsas tyıymdy bir jyldyq merzimge qaıta engizý múmkindigi qarastyrylǵan. Biraq bul eki jaǵdaıda ǵana - elde tótenshe jaǵdaıdyń engizilýi nemese otynnyń tapshylyǵy men benzınniń ósip jatqan baǵalarynyń AQSh-tyń ulttyq qaýipsizdigine qaýip tóndirip otyrǵan bolsa ǵana iske asyrylýy múmkin.
