Obama men Karzaı Aýǵanstandaǵy áskerı sharalardy doǵarýdyń jańa merzimin belgiledi
ASTANA. 12 qańtar. QazAqparat - AQSh prezıdenti Barak Obama men Aýǵanstan prezıdenti Hamıd Karzaı juma kúni Vashıngtonda ótken kezdesýde Aýǵanstandaǵy AQSh kúshteri bıyl kóktemde áskerı operatsııalardyń aýqymdy bóligin doǵaratyny týraly kelisimge keldi.
Buǵan deıin ondaı áskerı is-qımyldar aldaǵy jazdan toqtatylady dep aıtylyp kelgen.
Endi kóktemnen bastap Aýǵanstandaǵy sheteldik koalıtsııa kúshteri negizinen aýǵan áskerine qoldaý kórsetý mindetin atqaratyn bolady, dep habarlaıdy «Azattyq».
AQSh 2014 jyly Aýǵanstannan 60 myńnan astam sarbazyn shyǵarǵan soń ol elde sany shekteýli áskerin qaldyratynyn osyǵan deıin málimdegen edi.
