Obama Lıvııaǵa qarsy qupııa operatsııa bastady
ASTANA. 31 naýryz. QazAqparat - AQSh prezıdenti Barak Obama Amerıka Qurama Shtattary áskerleriniń Lıvııaǵa qarsy qupııa operatsııa bastaýy jóninde jasyryn ókimge qol qoıdy.
Operatsııa kóterilisshilerdiń Lıvııa kósemi Mýammar Kaddafıge qarsy kúresine kómekke baǵyttalǵan. Bul týraly ABC News agenttigine silteme jasap Lenta.rý habarlaıdy.
Ókimde tosyn jaǵdaılar týa qalǵan kezde Kaddafı armııasyna qajetti qarý-jaraq saqtaıtyn oryndardyń syzbalary naqtylanǵan. Alaıda osy kezeńde kóterilisshilerge qarý-jaraqty qalaı berý kerektigi týraly nusqaýlar kórsetilmegen.
Aq úıdiń ókilderi málimetterdiń qupııalyq sıpatyna júginip, bul aqparatqa túsinikteme berýden bas tartty. "Kóterilisshilerdi qarý-jaraqpen jabdyqtaý jóninde sheshim qabyldanǵan joq. Biz joqqa shyǵarmaımyz mundaı múmkindikti, sonymen qatar rastamaımyz da. Biz Lıvııa halqyn qoldaýdyń barlyq múmkindikterin baǵalap, qarastyrýdamyz", - delingen Barak Obama ókilderiniń málimdemesinde.
