Obama qoldan saǵat jasaǵan mektep oqýshysyn Aq úıge shaqyrdy
ASTANA. QazAqparat - AQSh Prezıdenti Barak Obama polıtseılerdiń bomba dep oılaǵan qoldan jasalǵan saǵat úshin ustalǵan 14 jasar jasóspirimdi Aq úıge shaqyrdy.
«Kúshti saǵat, Ahmed. Ony Aq úıge ákelgiń kele me? Biz osyndaı balalardy ǵylymmen aınalysýǵa shabyttandyrýymyz kerek. Bul Amerıkany uly etetin dúnıe», - dep jazdy Obama Tvıtterde.
Buǵan deıin sársenbi kúni Amerıka BAQ-tary Irvıng qalasy (Tehas shtaty) polıtsııasynyń mektepke qoldan jasaǵan elektrondyq saǵatpen kelgen jasóspirimdi qamaýǵa alǵanyn habarlady. Polıtsııany bilim mekemesine saǵatty bomba dep oılaǵan mektep ákimshiligi shaqyrdy.
Basylymnyń málimetterinshe, tegi sýdandyq Ahmet Muhammed bul áreketimen muǵalimder men synyptastaryn tańǵaldyrǵysy kelgen.
«Men ǵylymdy unatamyn, biraq qaratory bolǵanymnan, qaýip ákeletindeı kórinemin», - dep moıyndady ul bala brıtandyq The Independent-ke. Foto: Andrew Harnik / AP
