Obama kitap jazý úshin Frantsýz Polınezııasy aralyna attandy
ASTANA. QazAqparat - Segiz jyl el basqarǵan AQSh-tyń burynǵy prezıdenti Barak Obama Frantsýz Polınezııasyndaǵy Tetıroa aralyna attandy.
Onda ol Aq úıde basshylyq etken ómiri týraly estelikter jazbaq. Bul týraly The Washington Post gazeti burynǵy amerıkalyq kóshbasshynyń jaqyndary arasyndaǵy derekkózge silteme jasap habarlady.
Buǵan deıin Barak pen Mıshel Obamalar 60 mln dollarǵa estelikter jazylǵan eki kitapqa avtorlyq quqyqty satatyndyǵyn jarııalaǵan edi. Kitaptardy Penguin Random House baspa úıi basyp shyǵarady. Alaıda, gazet eks-prezıdenttiń kitapti jazý protsesi týraly qosymsha aqparattardy jarııalamady.
Obama 2008 jyly AQSh prezıdenti bolyp taǵaıyndaldy. Al, 2012 jyly ekinshi ret qaıta saılandy. Aǵymdaǵy jyldyń qańtar aıynda Obama memleket basshysy ókilettigin respýblıkashyl Donald Trampqa tabystady.
