Obama Karzaıdy saılaýdaǵy jeńisimen quttyqtady
ASTANA. Qarashanyń 3-i. QazAqparat - Aq úı Hamıd Karzaıdy Aýǵanstannyń zańdy saılanǵan basshysy dep tanydy. Barak Obama Aýǵanstannyń jańa prezıdentin úkimet jumysyn jaqsartýǵa shaqyrdy jáne sybaılas jemqorlyqpen kúreske kóbirek nazar bólýdi talap etti,
dep habarlaıdy «Maıak» radıosy.
Eki prezıdenttiń arasyndaǵy telefon áńgimesi dúısenbi kúni keshke boldy. «Men prezıdent Karzaımen sóılesip, ekinshi merzimge saılanýymen ony quttyqtadym. Saılaý barysynyń shıelenisti bolǵanyna qaramastan, naqty qorytyndynyń aýǵan zańnamasyna sáıkes shyǵarylǵanyna qýanyshtymyn», dep málim etti Obama.
Aýǵanstannyń Ortalyq saılaý komıssııasy aǵymdaǵy jylǵy qarashanyń 7-sine belgilengen prezıdenttik saılaýdyń ekinshi týrynyń ótpeıtini týraly sheshim qabyldap,
qazirgi memleket basshysy Hamıd Karzaıdy eldiń prezıdenti dep jarııalaǵanyn QazAqparat budan buryn habarlaǵan bolatyn.
