Obama Iranǵa shabýyl jasalý múmkindigin joqqa shyǵarmaıdy, biraq, ony «ıdealdy» varıant emes dep sanaıdy
ASTANA. Qyrkúıektiń 21-i. QazAqparat - Barak Obama Iranǵa shabýyl jasalý múmkindigin joqqa shyǵarmaıdy, biraq, bul Irannyń ıadrolyq baǵdarlamasynyń tóńireginde qalyptasqan jaǵdaıdan shyǵýdyń «ıdealdy» varıanty emes, dep sanaıdy. AQSh Prezıdenti dúısenbi kúni Sı-En- Bı-Sı telekompanııasynda halyqpen tildesý formatynda ótken baǵdarlamada osy oıyn qýattady, dep habarlaıdy ITAR-TASS agenttigi.
Telebaǵdarlama AQSh-tyń ekonomıkalyq problemalaryna jáne halyqaralyq turaqtylyq pen qaýipsizdikke negizdelgen Iran týraly máselege arnaldy. Júrgizýshi qazir Iranǵa shabýyl jasaıtyn kez emes ekenin aıtqan AQSh-tyń eks-memlekettik hatshysy Kolın Paýelldiń sózin mysalǵa keltire otyryp, Obamanyń oǵan qatysty pikirin surady.
Obama óz jaýabynda, eń aldymen, «Paýell - óte aqyldy adam» ekenin aıta kelip, degenmen, «ıadrolyq qarýǵa ıe Irannyń naqty problema ekenin» jetkizdi.
