Obama Gaıtıge kómek kórsetýge AQSh Kongresinen 2,8 mıllıard dollar surady
ASTANA. Naýryzdyń 25-i. QazAqparat - AQSh Prezıdenti Barak Obama zilzaladan zardap shekken Gaıtıge kómek kórsetýge 2,8 mıllıard dollar bólý týraly Kongreske ótinish jasady.
Ókilder palatasynyń spıkerine sársenbi kúni osyndaı hat joldandy. Qarajat tótenshe shyǵystar jelisi boıynsha bólinbek, dep habarlaıdy ITAR-TASS agenttigi.
Suralyp otyrǵan somanyń qomaqty bóligi Gaıtıde zilzala saldaryn joıýǵa atsalysyp jatqan AQSh mınıstrlikteri men vedomstvolarynyń shyǵystaryn óteýge jumsalady. Qalpyna keltirý jumystaryn qosymsha qarjylandyrýdyń kólemi 1 mıllıard dollardy quraıtyn bolady.
