Obama G7 sammıtine qatysý úshin Germanııaǵa keldi
ASTANA. QazAqparat - AQSh prezıdenti Barak Obama mingen ushaq germandyq Mıýnhen áýejaıyna qondy. Memleket basshysyn Bavarııa premer-mınıstri Horst Zeehofer kútip aldy.
Amerıkalyq kóshbasshy FGR-ǵa Jetilik top sammıtine qatysý úshin keldi. Ol áýejaıdan jetilik kóshbasshylarynyń kezdesýi ótetin Elmaý qorǵanyna ushatyn tikushaqqa otyrdy.
Obama keıinnen Germanııa kantsleri Angela Merkelmen kelissóz júrgizýdi josparlaýda. Sońynan olarda Krıýn kommýnasynyń turǵyndarymen kezdesý josparlanǵan.
Ekikúndik sammıttiń basty taqyryby - ekonomıkalyq ósim, klımat, qaýipsizdik saıasaty, densaýlyq saqtaý. Alqaly jıynnyń qaýipsizdigin 20 myńǵa jýyq polıtseıler qamtamasyz etedi, sharaǵa kúlli álemnen 3 myńdaı jýrnalıster qatysady.
