Obama Forbes nusqasy boıynsha eń yqpaldy adamdar tizimin basqardy
TANA. 3 qarasha. QazAqparat - AQSh Prezıdenti Barak Obama Forbes amerıkalyq iskerler jýrnalynyń nusqasy boıynsha ǵalamshardaǵy eń yqpaldy adamdar tizimin basqardy, dep jazdy bnews.kz portaly.
El ekonomıkasynyń quldyraýy men jumyssyzdyq sanynyń kúrt ósýinen Obamanyń óz elindegi bedeliniń tómendep ketýine qaramastan, Forbes AQSh prezıdentiniń halyqaralyq arenada sińirgen eńbegin basty nazarǵa alǵan. Obamanyń arqasynda, dep jazady Forbes, Amerıka Qurama Shtattary álemdegi eń yqpaldy memleket bolyp qalýda. Reuters-tiń reıtıngke bergen túsiniktemesi boıynsha, Obamanyń el aldynda bedeli «Ál-Kaıda» basshysy Ýsama ben Ladenniń kózin qurtyp, Mýammar Kaddafıdiń ólimimen aıaqtalǵan NATO-nyń Lıvııadaǵy sátti operatsııasynan keıin arta tústi.
2012 jyly Reseı prezıdenttigine saılaýǵa túsetindigin málimdegen Vladımır Pýtın bul reıtıngtiń ekinshi ornyna ornalasty, al osy eldiń qazirgi prezıdenti Dmıtrıı Medvedev yqpaldy adamdardyń tek 59-shy ornynda, dep jazady Lenta.rý.
Úshinshi orynda - byltyrǵy jylǵy reıtıngtiń kóshbasshysy QHR Prezıdenti Hý Tszıntao. Reıtıng qurastyrýshylar Hý Tszıntaonyń úshinshi orynǵa túsip qalýyn jaqyn arada onyń Qytaı Kommýnıstik partııasy OK bas hatshysy taǵynan ketýimen túsindiredi. Boljam boıynsha onyń ornyna osy reıtıngtiń 69-shy tizbegine turaqtaǵan Sı Tszınpın kelýi múmkin.
Jýrnal reıtıngisiniń tórtinshi orny Germanııa kantsleri Angela Merkelge buıyrdy. Álemniń eń yqpaldy adamdarynyń alǵashqy bestigin Microsoft-tyń negizin qalaýshy Bıll Geıts tuıyqtady.
