Obama ekinshi márte "Jyl adamy" ataǵyna ıe boldy
ASTANA. 20 jeltoqsan. QazAqparat - AQSh Prezıdenti Barak Obama amerıkandyq Time jýrnalynyń nusqasy boıynsha «Jyl adamy» ataǵyna ıe boldy, dep habarlaıdy «RIA Novostı».
Amerıkandyq prezıdent bul ataqty ekinshi márte jeńip alyp otyr, alǵash ret jýrnal redaktsııasy ony 2008 jyly marapattaǵan edi.
Tańdaý jóninde sársenbi kúni NBC telearnasynyń efırinde habarlandy. Obamadan basqa úmitkerler qatarynda Hılları men Bıll Klıntondar, Mysyr Prezıdenti Muhammed Mýrsı, Apple bas dırektory Tım Kýk men Yahoo ınternet-kompanııasynyń basshysy Marıssa Maıer, áıelder quqyǵy úshin kúresken 15 jasar pákistandyq Malala ıÝsafzaı jáne t.b. boldy.
Bul syılyq ótip bara jatqan jyldaǵy oqıǵalarǵa eń eleýli áser etken tulǵaǵa beriledi.
